Sonte fillon VIP Shpija

Sonte me fillim nga ora 21:00 do të fillojë edicioni i tretë i VIP Shpija, reality shou që këtë herë vjen shumë i veçantë – për nderë të 100 vjetorit të pavarësisë së Shqipërisë.

VIP Shpija kësaj radhe për shkak të edicionit shumë të veçantë në nderë të 100 vjetorit të pavarësisë tonë, ka menduar shumë befasi. Duke filluar nga nata e parë, formati në kualitetin më të lartë do të jetë i mishëruar në atraktivitetin që do të ofrojnë banorët dhe vet shtëpia më e madhe në trojet shqiptare.

Evenimenti do të jetë produkt i DigitAlb dhe do të mund të shikohet në kanalin e veçantë për këtë reality shou, ndërsa çdo javë spektakli vetëm sa do ta kurorëzojë organizimin e jashtëzakonshëm nën prezantimin e Albana Osmanit.

Gjithçka është gati – banorët mezi po presin të fillojnë aventurën e tyre, ndërsa kush do të jenë opinionistët dhe se çfarë pritet të ndodhë sonte, qëndroni me ne apo me kanalin e veçantë për të mësuar gjithçka. Mos e humbisni, mbrëmja sonte do të jetë shumë spektakolare...

Edhe tri emra tjerë në VIP Shpija

Janë konfirmuar edhe tri emra të rinj që do të jenë pjesë e reality shou VIP Shpija që pritet të fillojë pas tri javësh, ndërsa teksa përgatitjet po shkojnë në përfundim e sipër, po definohen dhe detajet e fundit.

Producentët e reality shout kanë zbuluar për Telegrafin se Morena Taraku, Miss Kosova 2010 do të jetë një prej fytyrave që do të jetë në VIP Shpija 3, ndërsa krahas saj do të jenë edhe Ard Islami, aktori i serialit të njohur Tre Gjermanët e Trashë.

Edhe nga muzika nuk do të mungojnë personazhet. Dr. Flori i Ëest Side Family do të jetë po ashtu protagonist i reality shout që do të transmetohet nga DigitAlb.

Pos emrave të lartpërmendur në VIP Shpija do të jenë prezent edhe emra si Shëkndije Mujaj, Enver Petrovci dhe Stupcat. 

Pas Albanës, edhe Stupcat në VIP Shpija

Pasi u konfirmua se Albana Osmani do të jetë prezantuese e reality shou VIP Shpija 3, janë edhe Stupcat ata që do të jenë pjesë e shtëpisë më të madhe në Kosovë, por në një rol më ndryshe nga edicioni i kaluar.

Prezantuesja seksi nga Shqipëria, Albana Osmani kishte konfirmuar në Facebook një ditë më parë se ka nënshkruar për të drejtuar spektaklin javor të VIP Shpija 3, ndërsa vetëm një ditë më vonë Telegrafi ka mësuar zyrtarisht se Stupcat do të jenë pjesë e reality shout. Ata do të kenë detyra të vecanta javë pas jave dhe nuk do të jenë në cilësinë sikurse banorët tjerë.

Stupcat ishin pjesë e VIP Shpija edhe edicionin e kaluar, ku kanë shfaqur spektakël të jashtëzakonshëm dhe nuk do të jetë më ndryshe as kësaj radhe, madje pritet të jetë shumë, shumë më nxehtë.

VIP Shpija fillon edhe tri javë, por tashmë janë konfirmuar si banorë Shkëndije Mujaj dhe legjenda e aktrimit Enver Petrovci, ndërsa pritet që në ditët në vijim Telegrafi të zbulojë ekskluzivisht dhe pjesëmarrës të tjerë që do të jenë vërtet të jashtëzakonshëm, ashtu sikurse dhe edicioni jubilar i VIP Shpija, për nder të 100 vjetorit të pavarësisë së Shqipërisë.